बसी बियाँलो

Wednesday 23 July 2014

व्यबसायिक शिक्षा

यो व्यबसायिक शिक्षाले पनि गर्नु गर्ने भो। उ बेलाँ व्यबसायिक शिक्षा पढियो। केही कुरा फाल्न मन नै नलाग्ने। आज खाँदा खेरि घरि थालमा तरकारी बाँकी रहने यति मिठो तरकारी के फ्याँक्नु भनेर अलिकति भात थप्यो। फेरि तरकारी सकिन्छ, भात रहिदिने। यसरि घरि दाल रहने, घरि अचार रहने। अब त खान्न भनेर फ्याँक्न खोज्छु, अचानक सोमालीया /इथियोपिया र अफ्रिकाको भोकमरि सम्झिन्छु। यही खान नपाएर अफ्रिकमा तेत्रा मान्छे मरिराछन। यस्सो सोचे टाढा किन जानु हाम्रै देशाँ कर्णाली, रुकुम , रोल्पा, बझाङ बाजुरा तिर बर्षेनी खाद्यान्न संङ्कट परेको समाचार रेडियो टेलिभिजन र पत्रिकामा पनि आइरहन्छन। त्यसमाथी हाम्रै चितवनको चेपाङहरू वस्तीमा हुने अन्नको हाहाकार बारे त म अवगत नै थिएँ। अँह अन्न फाल्न हुन्न भनेर व्यवसायिक शिक्षाको नाममा मैले आफ्नो पाचन प्रणालीमाथी नै बर्बर दमन र यातना दिदै खाईरहे। उसै त लोभी बाहुन, यति खाइएछ कि यति खाइयछ कि , भित्तो समाउँदै उठ्नु परो। सुतली बम/ प्रेसर कुकर बम झै भुँडी प्वाट्टै फुट्ला कि झै लागि राथ्यो । धन्न म।

Monday 21 July 2014

"देश गुनाको भेष"

कलेजको पहिलो दिन: बिहानै उठेर हतार हतार गरेर ट्रेन समात्न कुदें। स्टेसनमा मलाई एक महीना अगाडी लन्डन आएको बिराटनगर तिर घर भएको साथी कुर्दै थियो। दुई जाना संगै गफ गर्दै थियौ, यतिबेला सम्म ट्रेन कुद्न सुरू गरिसको थियो। पछाडीबाट आवाज आयो "तपाईहरू पनि नेपाली हो??" २३/२४ बर्ष कि युवती , मौसम अनुसारको फेसनेवल गेट अप र पोसाक, कुनै मोडलभन्दा कम देखिनथिनन् उनी । मनमा जे जे सोचे पनि म हत्तपत्त बोल्न चै नखोज्ने मेरो स्वभावले केवल औपचारिकतामा मात्रै सिमीत भो त्यो देखभेट र परिचय। आखिर ऊ पनि हाम्रै क्लाँसमेट पो रहिछ । कलेज पुगेपछि थाहा भयो। ५०/६० जानाको क्लाँसमा हामी ती न जाना नेपाली रहेछौ। नेपाली भएकै नाताले पनि बोल्नै पर्ने भयो। त्यो दिन कलेजबाट फर्किदा उसले सोधी, "तपाई म्यारीड हो??" मैले निसङ्कोच हो भने। उस्ले फेरि सोधी " लभ कि अरेन्ज?" लभ! मैले जवाफ दिएँ। तपाई कहिले लन्डन आउनु भएको नि?? फेरि सोधि उसले - मैले रूपेश ( बिराटनगरको साथी) र म संगै आएको हो । एक महीना जति भो भनेर फेरि तात्तातो झुट सुनाईहालें। त्यसपछि उसको फोनको घन्टी बज्यो र ऊ बोल्न मैं ब्यस्त भई!

दोस्रो दिन लगत्तै कलेज थियो। ट्रेन चढ्ने स्टेसन एउटै भएकाले फेरि स्टेसनमै भेट भयो। भेट्न नपाउँदै उसले सोधी "गौरब दाई! तपाईलाई "ब्लु" कलर मनपर्छ हो??? " अँ किन र? " मैले पनि प्रतिप्रश्न गरिहालें! त्यपछिको उस्को जवाफले म झसङ्ग भएँ - " हिजो पनि यही टि-सर्ट , आज पनि यही अरू छैन कि के हो??? ऊ अट्टाहास गरेर हाँसी! " अँ हेरन! हतार हतार गरेर आको खासै सपिङ गर्नु पनि भ्याईएन , यतै किन्नु पर्ला अब भनेर सोचेको! मैले बहाना बनाई हाले ।

म पछि रूपेशको ब्यागको साईज़ आवश्यकता भन्दा ठुलो भो भन्ने कमेन्ट पछि उस्को धाराप्रवाह यसरि सुरूहुन्छ:

"लन्डन आईसके पछि देश गुनाको भेष गर्नुपर्छ। यताको खैरेहरू जस्तै टिप टप बन्नुपर्छ। फेसनको सेन्स हुनुपर्छ। एउटा स्टान्डर्ड मेन्टेन गर्नुपर्छ! नेपालमा गरे जस्तो लाए जस्तो खाए जस्तो गरेर कहाँ चल्छ??? "

यति बेलासम्म मैले कानमा एरफोन कोचीसकेको थिएँ, रूपेश अझै ध्यान दिएर सुन्दै थियो। गन्तव्यमा नपुगुन्जेल दुई जाना भलाकुसारी गर्दै थिए। म गीतको तालमा थिएँ । मनमनै सोचें "कोशी पारीको पानी नै तेस्तो केटी भएसी पुग्ने " ! बेकुकी फर्किने बेलामा रूपेश र म दुइजाना मात्र भयौ, उस्लाई रिसिभ गर्न उसको म्यानेजर आउने बेहोरा रूपेश मार्फ़त मैले थाहा पाएँ। रूपेशलाई उस्ले बिहानै ट्रेनमा उस्को जुत्ता, जिन्स, घडी ,ब्याग आदी इत्यादीको मुल्य सुनाईसकेकी रहिछ ।

अर्को हप्ताको सोमबार फेरि कलेज थियो। जाने बेलामा हामी तिनै जानाको भेट भएन। फर्किने बेलामा तिनै जाना संगै भयौं । मलाई मेरो झुट आफैलाई ढाकछोप गर्न गाह्रो भैसकेको थियो। बिहेबाट सुरू भएको झुट अब छोरा छोरी र "तपाई यता हुँदा भाउजूले उता अर्कै खोज्लिन नि फेरि" भन्ने मजाक सम्म पुगिसकेको थियो। साँच्चै बिहे गरेर, बुढीलाई स्वदेशमै छोडेर बिदेश लागेको लोग्ने हुँदो हुँ त त्यो प्रश्नलाई हाँसेर टार्न सक्थे या सक्थिन त्यो यसै भन्न त सक्दिन तर त्यो प्रश्नलाई मैले हाँसेरै उडाईदिएँ । " विश्वास छ मलाई मेरो बुढीप्रति र उस्लाई पनि म प्रति" मैले गम्भीर भएर भन्छु। उस्को प्रबचन फेरि सुरू भो यसपटक चै अल्लि ईन्ट्रेस्टिङ बिषय थियो, त्यो हो "सेक्स " ! "सेक्स भनेको मान्छेको basic needs हो। दाल भात तरकारी जत्तिकै मान्छेलाई सेक्स पनि महत्वपूर्ण छ।"

यति भनिसकेपछि ऊ फेरि सोध्छे: तपाईको छोरा छोरी कति जाना छन??

मैले केही सोच्दै नसोची एउटा छोरा एउटा छोरी भनेर भनिहाले । अब उसलाई मेरो छोरा छोरीको फोटो नहेरी नहुने भयो। धन्न मोवाईलमा दुइजाना बच्चा ( छोरा र सानी फुच्ची छोरी) को फोटो थियो र फोटो यही हो भनेर देखाउन पाईयो। अह्हा! कस्तो राम्री रैछे छोरी त। कस्तो क्युट!!! छोरीको फोटो हेरपछिको उस्को प्रतिकृयामा , " अँ पुरै बाउ गोता गईछ छोरी त " मैले थपीहालें मौकामा ।

भाउजूको फोटो देखाउनु न दाई , बच्चाहरू हेरपछि भाउजू पनि कस्ति रैछिन हेर्ने ईक्षा लाग्यो भनेर उस्ले भनि। टुइटरबाट एउटी राम्री केटीको डिपी डाउनलोड गरेर ओरेर फोटजमा सेभ गरेर उस्को भाउजू हेर्ने रहर पनि पुरा गरिदिएँ। भाउजूले फिगर मेन्टेन गरेको देखेर ऊ दंग परेर हेरिरहन्छे । यो दुई बर्ष अघिको फोटो हो, छोरी जन्मेपछि चै मोटाकी छ तिम्री भाउजू भनेर उस्लाई थमथमाएँ । त्यसपछि अर्को अर्को ट्रेन समात्न हामी त्यो ट्रेनबाट ओर्लेर अर्को प्लैटफ़र्म तिर लम्किएम । मेरो झुटो प्रेमकहानी मैले यति बेला सम्म उस्लाई सुनाईसकेको थिएँ। रूपेश पनि मलाई दंग परेर सुन्दै थियो। मेरो झुटो कहानी बनाउन सक्ने क्षमता र म भित्रको कलाकारीताको पनि प्रशंसा गर्यो पछि। मेरो सबै कहानी सुनिसके पछि उस्ले आफ्नो प्रेमकहानीको बेलिबिस्तार लगाउन थाली। "मेरो एक्सब्वाईफ्रेन्ड पनि चितवन कै थियो, समय र परिस्थितीले हामी अलग हुनुपर्यो , यस्तै यस्तै भन्दै थिई ऊ! चितवन भन्ने बित्तिकै मैले नाम थर सोधीहालें । नाम थर सुन्ने बित्तिकै म छागाँबाट खसे जस्तो भएँ तर त्यो भाव अनुहारमा झल्काईन ! यति बेलासम्म उस्को ओर्लनु पर्ने स्टेसन आईसकेको थियो। ऊ ओर्लने बित्तिकै मैले उस्ले भनेको सम्बन्धित मान्छे र त्यै नाम गरेको मैले चिनेको मान्छे एकै हुन कि हैनन भनेर जान्न मन लाग्यो। उस्ले जस्को नाम लिएकी थिई, संजोगले ऊ मेरो बुढो मावली पट्टीको नाताले मामा पर्ने मान्छे थियो। मैले सबै बेलिबिस्तार सुनाएँ। सबै सुनिसके पछि मामाले भने " अस्ति कलेजमै रिसिभ गर्न जाने उसले भनेको म्यानेजर पनि मै हुँ, खासमा ऊ संग भेट चै प्लब्लीक टेलिफ़ोन बुथमा प्रचार गर्न टाँसेको नम्बरबाट भएको हो। पहिलो पटक फोनमा कुरा हुँदा थाई केटी हुँ भनेर भनि , भेटेपछि त नेपाली भनेर चिनीहालें। नेपाली पनि धेरै एडभान्स भैसकेका छन भान्जा लन्डनमा । म उसको ब्वाईफ्रेन्ड चै हैन " भनेर मामाले भने। मैले बुझ्नुपर्ने सबै कुरा बुझें, रूपेशलाई पनि बुझाएँ। मनमनै सोचें , "देश गुनाको भेष गर्न नजाने पनि , टिपटप परेर नहिडे पनि, फेसनको सेन्स नभए पनि मसंग धेरै कुरो रहेछ" ।

Thursday 24 January 2013

साँचो प्रेम

रामे र भुन्टी एक अर्कालाई औधी मनपराउँछन। एक अर्कालाई साँचो प्रेम गर्छन।सात जुनीसम्म एक अर्काको हुने कसम खान्छन। भविष्यका सुनौला सपना बुन्दै प्रेमीला पलहरूको साटासाट गर्छन। केही पल प्रणयका, केही रिस-रागका, केही हँसीमजाक अनि धेरै पल एकले अर्कालाई गर्ने अगाध प्रेम दर्शाउन मस्त हुन्छन दुबैजना। समय घर्कदै जान्छ, दिन ,हप्ता , महिना, साल गर्दै। भुन्टी पढ़ाई सकेर जागिर खान थाल्छे। सरकारी जागीरें भुन्टीको घरमा आफन्त, छर छिमेक बिहेको कुरो लिएर धाउन थाल्छन। भुन्टी पनि रामेलाई डाक्टर, ईन्जिनियर, बिदेशी रातो/हरियों कार्ड र पिआर वालाहरू आफूलाई माग्न आएको कुरो रामेलाई सुनाउँछे। रामे, आफू डाक्टर, ईन्जिनियर र बिदेशी लाहुरे हुननसकेकोमा हिन्नताबोध गर्न थाल्छ। आफूलाई आर्थिक सामाजिक हिसाबमा भुन्टीको परिवार भन्दा तल परेको महसुस गर्छ अनि हिन्नताबोधले ग्रस्त रामे दिनरात भाग्यलाई सराप्दै बस्छ। भुन्टीको रामेप्रतिको ब्यबाहार दिनानुदिन परिवर्तन हुँदै जान्छ। प्रेममा अंन्धो रामे उसको दुत्कार सहज रुपमा लिन्छ र त्यसमा पनि प्रेमको नै अनुभूति गर्न थाल्छ। रामेले आफ्नालाई बिर्सीसके हुन्छ। भुन्टी सायद आफुले रामेभन्दा असल पति पाउनेमा ढुक्क थिई। अब भुन्टीलाई रामेप्रति कुनै लगाब छैन। सायद भुन्टी रामेलाई आफ्नो जीवनको भूल ठानीसकेकी थिई।
दुई बिच बार्तालाप पातलीदै जान्छ। एकदिन रामेको फोनको घन्टी बज्दछ। भुन्टीको फोन रामे खुसी हुँदै उठाउँछ। " हल्लो रामु, आज मम्मीले तिम्रो र मेरो चिना राम्रो ज्योतिषलाई देखाईसेको थियो , ज्योतिषले भने अनुसार तिम्रो पिराहा ग्रह छ रे,तिम्रो ग्रहले तिम्रो पत्निलाई बिरामी पार्छ रे, अनि मर्न पनि सक्छ रे। त्यसैले म तिमीसंग बिहे गर्न सक्दीन, मलाई बिर्सीदेउ"। बज्रले हानेझैं भुन्टीको ति शब्दबाट रामे मुर्छित हुन पुग्दछ। गहभरि आँशु बोकेर आफूलाई सम्हाल्दै रामे भन्छ " ठिकै छ भुन्टी मेरो कारणले तिमीलाई दुःख हुन्छ भने म पनि तिमीलाई बिर्सीदिन्छु"।

Sunday 20 January 2013

ऋतु

जनवरीको २० रातको ११ बजे देखि १२ बजेसम्म बाहिर डुल्दा मोबिलबाट लिएको केही तस्वीरहरू।

Saturday 19 January 2013

जंगली "तिखे" त झन् नपुंसक पो परेछ!

सानी, चिटिक्कपरेकी, राम्री थिई मेरी ''माली गाई ''।तर जख्खर को थियो "तारे गोरू", अज्जंगको जिउ, बढेमाको तिखो सिंग, कसिला फिल्ला, हेर्दैको डरलाग्दो जंगली अर्ना थियो तारे। सबैले भन्थे मालीलाई यो तारे ब्याड लगाउन पाए ज्यादै राम्रो बच्चा जन्माउने छे। त्यो बच्चाले मेरो घरमा दुध, घिउ, कुरौनीको खोलो बगाइदिने छ। तेही सपना देख्दै मैले अनेक दुखः, कष्ट खपेर ज्यानकै बाजी राखेर अनेक प्रयत्नले तारेलाई जंगलबाट गाउँ लीएर आँए।

ज्यादै दु:ख दियो तारेले तर पनि हिम्मत हारिन। कहिले परिवारका सदस्यलाई सिंगले हिर्कौथ्यो त कहिले लात्तीले, कहिले गाउँलेको खेति कुल्चन पुग्थ्यो त कहिले रातभर कराएर छिमेकीको निन्द्रा पनि बिगर्थ्यो। गाउँले जे भएपनि म खुसि थिएँ। कहिले कहिँ मालीसंगै सिंगौरी खेले पनि तारेले मेरो मालीसंग राम्रै सहवास गरेको थियो।मैले पनि माली र तारेलाई ६०१ मानाको कुँडो खुवाउथे। बिरामी हुँदा औषधि दिन्थे, सबै स्याहार गर्थे,बच्चाको नाम पनि राखिसकेको थिए ''संघिय गणतान्त्रिक संबिधान'', भोटो सिलाईसकेको थिए तर पनि मालीको पेट नबढेको देख्दा कहिले कहिँ संकाले मेरो छाती पोल्थ्यो। तरपनि हिम्मत हारेको थिईन। तर हिजो देखि मेरो सारा सपना तुहियो। माली हिजो रातभर कराई , मालीले फेरी बालि खोजि । जंगली तारे त झन् नपुंसक पो परेछ! मलाई थाहा छैन कुन छिमेकीको बहर छ। मलाई थाहा छैन कुन छिमेकीको कस्तो ब्याडको कुन विर्यले मेरो "मालीलाई" ब्याउने बनाउँछ!

Thursday 17 January 2013

"ट्यान्क"

टुईटरको टाईमलाईनमा कहिलेकाँही अचम्म र उदेकलाग्दा ट्रेन्डहरू देखा पर्छन। सुरूवात कसले गर्छन, किन गर्छन त्यो सुरूवात गर्नेले नै जानुन। तर आज बिहानैदेखि ReplaceASongTitleWithTank ट्रेन्ड भएको रहेछ। एक दुईजाना टुईटे मित्रहरूको टुईटदेखें रमाईलो लाग्यो। म पनि के कम? दिन भरि टाईमलाईनमा मस्त भिंडे नेपाली गीतलाई "ट्यान्क" ले बिस्थापन गर्न। केही टुईटहरू जस्ताको तस्तै कपी गरेर यता सारेको छु।
(नोट: निम्न टुईटहरूको स्रष्टा र सृजनाको अपमान गर्ने ध्येय किमार्थ होइन, बिशुद्ध मनोरन्जनका लागी मात्र हुन)

#ReplaceASongTitleWithTank झरेको ट्यान्क झै भयो उदास मेरो जीन्दगी....

#ReplaceASongTitleWithTank ट्यान्कमा बतास चल्यो ट्यान्कमा बतास चल्यो बतास चल्यो बतास चल्यो बतास चल्यो बतास चल्यो बतास चल्यो

#ReplaceASongTitleWithTank लौन हजुर एउटा मान्छे ट्यान्क चोरेर फ़रार भो।

#ReplaceASongTitleWithTank मुल हौ भने रसाईदेउ........ माया गर्छु भन्नेले ट्यान्क देखाईदेउ।

#ReplaceASongTitleWithTank म ट्यान्कमा अल्झीरहेको एउटा जीबन।

#ReplaceASongTitleWithTank दुईटा ट्यान्क देउरालीमा साथै राख्यौ जस्तो लाग्छ।

#ReplaceASongTitleWithTank क्याम्पस पढ्न आउने, सरले उता पढाउने हाम्ले ट्यान्क जुधाउने चित्त बुझाउने ।

#ReplaceASongTitleWithTank सुन हराए तै बरू खोज्न हुन्थ्यो नि। ट्यान्क हरायो लौन नि के गरुँ

#ReplaceASongTitleWithTank जन्मेर ट्यान्कमा कसैको हुर्कन्छ कोखमा कसैको......

#ReplaceASongTitleWithTank सागरसरी चोखो ट्यान्क तिमीलाई दिउँला।

#ReplaceASongTitleWithTank यी हल्लाहरू हुन तिमीले सुनेका कसै संग मैले ट्यान्क साट्या छैन

#ReplaceASongTitleWithTank बल गरेर त्यो ट्यान्क यता जोड़ भन्दिन म।

#ReplaceASongTitleWithTank नबिर्से तिमीलाई न पाँए तिमीलाई, बिना अर्थ ट्यान्कमा सजाएँ तिमीलाई.......

#ReplaceASongTitleWithTank किन किन तिम्रो ट्यांक मलाइ निको लाग्छ :P

#ReplaceASongTitleWithTank हेर्नदेउ तिम्रो ट्यान्क भोली त टाढा हुनु छ, सम्झदै तिमीलाई मेरी माया एक्लै रूनु छ।

#ReplaceASongTitleWithTank पोहोर साल ट्यान्क फाट्दा जतन गरि मनले टालें.........

#ReplaceASongTitleWithTank के छ र दिउँ तिमीलाई मैले कोशेली भनेर, ल्याएको थिए यै एउटा ट्यान्क पोखियो छल्केर

#ReplaceASongTitleWithTank गाँउ गाँउ बाट उठ ट्यान्क ट्यान्क बाट उठ, यो देशको मुहार फेर्नलाई उठ

#ReplaceASongTitleWithTank गल्ति हजार हुन्छन यहाँ ट्यान्क हराएको बेला

#ReplaceASongTitleWithTank कलकते काँईयो केश मेरो बान्ग्यो टेबल ऐना छ, पिरती मैले नलाको हैन ट्यान्क मै रैनछ, धान कै बाला झुलामला मायालाई ....
#ReplaceASongTitleWithTank हेह्हे हेहेहेहेहेहेहेहेहेह बतासैले उड़ाई ल्यायो ट्यान्क मेरो..........फुलमाथी सजाईदियो छायाँ तिम्रो

#ReplaceASongTitleWithTank कुन ट्यान्कमा जान्छौ यात्री, कुन ट्यान्करमा जाने हो?

#ReplaceASongTitleWithTank सपना भुलाई सारा, आँशु पिएर जाउ, ट्यान्कमा छ तिम्रै तस्वीर लिएर जाउ।

#ReplaceASongTitleWithTank तिम्रै निम्ती मखमली ट्यान्क लीई आउँला ........

#ReplaceASongTitleWithTank रातो भाले ट्यान्कमा करायो करायो ग़रीबको चमेली निसाफै हरायो

#ReplaceASongTitleWithTank म त लालीगुराँस भएछु, ट्यान्क भरि फुलिदिन्छु....मनैभरी फुलीदिन्छु

#ReplaceASongTitleWithTank आँखा छोपी नरोउ भनि भन्नु पर्या छ मुटु माथी ट्यान्क राखी हाँस्नु पर्या छ।

#ReplaceASongTitleWithTank उध्रेको ट्यान्क छ है, तै पनि लाईन्छ.....

#ReplaceASongTitleWithTank हजार ट्यान्कहरूको माया लागेर आउँछ
#ReplaceASongTitleWithTank यो नेपाली ट्यान्क उचाली अन्धकारमा लम्कन्छ

#ReplaceASongTitleWithTank ट़्यान्क को पानी माछीले खानी पिरिम सित जाने की नजाने

#ReplaceASongTitleWithTank रातों टिका निधारमा टलक्क टल्कीयो, ट्यान्क भित्र मा़याको आगो सल्कीयो।

#ReplaceASongTitleWithTank लेकाली हो हो चोयाको ट्यान्क #ReplaceASongTitleWithTank एउटा ट्याङकको मायाले कति फरक पर्दछ जिन्दगीमा।

Wednesday 16 January 2013

गजल/पजल

त
न हारले न धारले घायल छु तिम्रै प्यारले
मुटुमा खन्जर रोप्ने ति मृगनयनका प्रहारले

न आशले न प्यासले अतृप्त कुण्ठा बढ्दो छ
सातै सुरमा गुन्जने तिम्रो प्रीतको झंकारले

न राप न तापले प्रेमको लाभा उम्लदै छन
मदमस्त गुलाबी अधरको बैंशालु लल्कारले

न छलले न बलले एक अर्कामा हरायौं हामी
आत्माको मिलनमा चाहे जे भनुन संसारले